Entries from 'Movie'

Be Cool – 音樂型人

今日係HBO睇”Be Cool”,一套8年前既電影。突然間,我見到奧瑪花曼個Office… 有隻三一萬能俠…同埋… 鐵甲萬能俠二號!其實唔止,仲有其他,例如幪面超人呀,好似仲有隻亞馬遜Tim! 搞到我掛住睇,無理到套戲講乜!

read more →

葉問2

睇左葉問2個Trailer, 個感覺都幾好丫, 係就係商業重D, 咁人地又真係商業片O黎家馬… 我幾鍾意甄子丹同洪金寶呢場. 希望葉偉信會拍得好睇啦…. *** 不過我覺得葉問2個Trailer拍得有D似 Street Fighter IV個Tailer… 可能係因為D墨既感覺似啦. 除左似SF4, 我仲覺得似霍元甲可能都係打外國人, 唔知係正史定係作既呢? 不過都係個句啦, 希望拍得好睇啦. *** Trailer入面有一句: 「但係我地作為人地既帥父, 係唔係要好好地先教好自己既徒弟呢?」, 其實呢句講得有D怪..但係又好上心喎! 我都幾肯定我之後會成日拎O黎玩: 「但係我地作為人地既PM, 係唔係要好好地先教好自己既Programmer呢?」 「但係我地作為個Program既Programmer, 係唔係要好好地先Define好個D Variables呢?」 等等… *** 其實每次見到葉問, 都幾替王家衛同梁朝偉擔心, 無論你拍得幾好睇都好, 人地都拍到第3集喇.. 仲好似話有電視版添…….到時見到個名都厭啦, 仲點叫人去睇? 但係我估我都會想去睇既. 因為我覺得佢地應該可以拍到D完全唔同既野出O黎, 我都想開下眼間, 睇下可以點拍…. 其實呢一類型既戲, 幾十年都係咁上下, 葉問2, 霍元甲, 黃飛鴻系列甚至李小龍時代既唐山大兄都係同一種拍法, 希望王導演可以突破到啦…. 葉問2 Trailer Street Fighter IV Trailer 甄子丹《葉問》拍二三集‧王家衛6月拍《一代宗師》遭冷待

read more →